තිලෝගුරු අමාමෑණී එ් සම්මා සම්බුදු පියාණන් වහන්සේලාගේ නිකෙලෙස් වූ, නොඉඳුල් වූ,
උත්තරීතර වූ ඒ උතුම් හදවත් වෙත මාගේ අග‍්‍ර වූ, ශ්‍රේෂ්ඨ වූ, එ් මහා නමස්කාරය වේවා
සම්බුදු පියාණන් වහන්සේලාගේ හදවත් උල්වැනි රාගයන් මත, උල්වැනි ද්වේෂයන් මත,උල්වැනි මෝහයන් මත, නොඉන්ද වූ බව
සත්‍යයි.
එබඳු උල්මත ඉන්ද වූ මුළු මහත් ලෝ සතගේ හදවත් දුක් පීඩා විඳින බව ද සත්‍යයි.
එබඳු උලින් නිදහස් වූ දුක් පීඩා නොම වූ, මුණිරජාණන් වහන්සේලාගේ හදවත් අමා සුව දෙන්නක් බව ද සත්‍යයි.
‘‘එසේ නොඉඳූල් වූ හදවත් වෙත කැප කෙරෙන පූජාවෝ
රාගාදී උල්හි ඉන්ද වූ කිසිදු සත්වයෙකු ඉඳුල් නොකරත්වාය’’
යන අදිටනින් සියලූ රැකවල් සදා උල්නැති ගුණ කඳ උදෙසා සකසන නොඉඳූල් පූජාවෝ
ගරු ගුණ සිතින් යුතුව පුදදෙන
උත්තරීතර වූ මහා පූජාවලිය උතුම් අදිටනින් යුතුව මෙසේ සකසන වගයි.
එම පින්බර දින අටවිසි බුදුපියාණන් වහන්සේලා රුවන්වැලි මහා සෑ රදුන් වටා තැන වූ විශේෂ මල් මණ්ඩප මත වඩමවා හිඳුවා උතුම් ගුණකඳ සිහිකර පුදදෙන්නා වූ
අර්ථාන්විත පූජා මාලාව මෙසේ වන්නේය.
- ලක්ෂයක් පහන් නොඉඳුල් තෙලින් දල්වන මහා පහන් ආලෝක පූජාව
- ලක්ෂයක් නෙළුම් මල් පුදදෙන මහා නෙළුම් මල් පූජාව
- පිච්ච මල් ලක්ෂයක් පුදදෙන මහා පිච්ච මල් පූජාව
- හඳුන්කූරු ලක්ෂයේ මහා හඳුන්කූරු පූජාව
- දිය නොමුසු කිරෙන් සකස් කළ නොඉඳුල් මහා කිරිපිඬු පූජාව
- නොඉඳුල් නැවුම් පළතුරු පූජාව
- නොඉඳුල් මහා කැවිලි පූජාව
- නොඉඳුල් මහා කිරිපැණි පූජාව
- අති උතුම් සේසත් පූජාව
- උතුම් වූ පාවඩ පූජාව
- නොඉඳුල් මහා විලඳ මී පැණි පූජාව
- සුගන්ධවත් මහා දැහැත් පූජාව
- ඖෂධ වර්ග 108 කින් සමන්විත මහා ඖෂධ පූජාව
- නොඉඳුල් මහා අෂ්ඨපාන පූජාව
- නොඉඳුල් මහා චතුමධුර පූජාව
- නොඉඳුල් මහා රන් තැඹිලි පැන් පූජාව
- මහා ස්වර්ණ සංඛ පූජාව
- රුවන්වැලි මහා සෑ රදුන් වටා පළඳවන මහා අධිෂ්ඨාන බල වටතිර
පූජාව - උතුම් වූ උඩුවියන් පූජාව
- උතුම් වූ මුතුකුඩ පූජාව
- උතුම් වූ අටපිරිකර පූජාව
- ලක්ෂ ගණනින් පුදදෙන මහා දහස්පෙතියා මල් පුජාව
- ගුවනින් පුෂ්පෝපහාර දැක්වීමේ පූජාව
- උතුම් වූ හේවිසි පූජා
- ලක්ෂයක් කොඩි ලෙලදෙවන උතුම් වූ කොඩි පූජාවෝ
- දස ලක්ෂයක් විදුලි බුබුලු දල්වන මහා විදුලි ආලෝක පූජාව
ඇතුලූ පරිපූර්ණ පූජාවන්ගෙන් සමන්විත යුගයේ අති උත්තරීතර මහා අධිෂ්ඨාන බල පූජාවෙන් නැගෙන්නා වූ මහා පුණ්‍ය බල මහිමයන් විහිදී, පැතිරී පිහිටා,
ලක්ෂ ගණනින් අරිහතුන් වහන්සේලා මේ මිහිමත පහළ වේවා !
යන මහා අධිෂ්ඨානය තබන්න. නිර්මාංශව සුදුවතින් සැරසී ගරු ගුණ සිතින් යුතුව අනුරාධපුර රුවන්වැලි මහා සෑ රදුන් අභියසට ඔබ සැමද පියනගන්න. මෙම උත්තරීතර මහා අධිෂ්ඨාන බල පූජාවට සියලූ ලෝක සියලූ සත්වයන් අතහිත දී
ගනිත්වා !
සාධු ! සාධු ! සාධු !
ලක්ෂ ගණනින් අරිහතුන් වහන්සේලා මේ මිහිමත පහළ වේවා !
යන මහා අධිෂ්ඨානය තබන්න. නිර්මාංශව සුදුවතින් සැරසී ගරු ගුණ සිතින් යුතුව අනුරාධපුර රුවන්වැලි මහා සෑ රදුන් අභියසට ඔබ සැමද පියනගන්න. මෙම උත්තරීතර මහා අධිෂ්ඨාන බල පූජාවට සියලූ ලෝක සියලූ සත්වයන් අතහිත දී
ගනිත්වා !
සාධු ! සාධු ! සාධු !